Бавариялық автоөндіруші инженерлері кроссоверге мінудің ыңғайлы жолын тапты. Осы мақсатта артқы есікті ашудың екі тәсілі ойластырылды (жақын арада сериялы өндіріске енуі мүмкін).
Инженерлердің идеясы патенттік құжаттан табылған. Бірінші нұсқаны жаңалық деуге келмейді. Мұнда көлік төбесінің кішкене бөлігі артқы есікпен біріктіріледі. 1960 жылдары шыққан Ford GT40-тың есігі осыған ұқсас жасалған болатын.
Екінші нұсқа әлдеқайда қызық. Мұнда да шатырдың бір бөлігі есікпен бірге ашылады, бірақ олар біріктірілмеген, бөлек жұмыс істейді. Есік әдеттегідей ашылады, ал шатыр бөлігі гидравликалық немесе электрлі механизм арқылы «шағаланың қанаты» тәрізді көтеріледі.
Carbuzz порталының иллюстраторлары BMW X7-ні мысалға алып, жаңа жоба сериялы өндірісте қандай болатынын көрсетті. Мұндай есік қызықты болатын секілді. Басылым авторлары жаңа идея болашақта жарық көретін X8 моделінде жүзеге асуы мүмкін деп болжады.
Комментариев: 0