Еуразиялық экономикалық комиссия (ЕЭК) кеңесінің «ЕАЭО-ның іштен жанатын қозғалтқыштардың кей түріне арналған Бірыңғай кедендік тарифі бойынша импорт салығының мөлшерлемесін белгілеу туралы» шешімі 17 сәуірде жарияланды, ол 2026 жылғы 1 қаңтардан 31 желтоқсанға дейін күшінде болады.
Құжатқа сәйкес ЕАЭО СЭҚ ТН 8408 20 990 4 кодымен белгіленген қозғалтқыш кедендік баж салығынан босатылады. Ол — қуаты 200 кВт-тан асатын дизельді немесе жартылай дизельді моторлар, сондай-ақ 8704 тауар позициясына жататын моторлы көлік құралдарына (жүк көлігі, фургон, рефрижератор және самосвал) арналған, цилиндрлерінің жұмыс көлемі 18 500 см³-ден, қуаты 500 кВт-тан кем емес қозғалтқыштар.
Бұған дейін ЕАЭО аумағында СЭҚ ТН позициясындағы дизельді моторға кедендік құнының 5 %-ы көлемінде баж салынған. ЕЭК бұл шешімді Беларусь үкіметінің елдегі автозауыттарды қолдау мақсатындағы өтінішіне орай қабылдап отыр.
Қазақстандағы автоқұрастырушылар бұған дейін агрегатты машинокомплект құрамында тегін рәсімдейтін. Бірақ баж салығындағы өзгеріс ірі жүк көлігін, соның ішінде карьерде жүретін жүк көлігін жөндейтіндерге немесе өз жүк көлігінің қозғалтқышын ауыстырғысы келетіндерге пайдалы болуы мүмкін.
Комментариев: 0