2020 жыл отын нарығына онша әсер етпеді. Бұған коронавирус инфекциясы мен карантин себеп болды. Көшеде көлік нөпірі азайған соң бензин бағасы арзандап, наурыз басында 156 теңгеден сатылған сұйық отын маусым айының соңына қарай 149.7 теңгеден саудаланды.
2020 жылғы отын бағасындағы өзгерістер
| Отын түрі | Жыл басындағы баға | Жыл соңындағы баға | Айырмашылық |
| АИ-92 | 145 теңге | 150 теңге | +3.4 % |
| Дизельді отын | 192.8 теңге | 183.7 теңге | -4.7 % |
Биыл жанармай қымбаттамаса да, соңғы бес жылда оның құны кәдімгідей артқан. Естеріңізде болса, 2015 жылы 92-бензиннің литрін 99 теңгеге алатынбыз, дизель бағасы да сол шамада болды. Енді бес жыл ішінде бағаның қалай құбылғанын көрейік.
2015 жылы АИ-80, АИ-92 және дизель бағасын Энергетика министрлігі бекітетін. Жыл басында олар 92-бензин мен дизель бағасын 109-дан 107 теңгеге түсірді. Ал ақпанда 99 теңгеге төмендетті. Бірақ жүргізушілердің қуанышы ұзаққа созылмады, өйткені мамыр айында бензин құны қайта шарықтады (108 теңге).
2015 жылғы 7 қыркүйекте шенділер бағаны мәжбүрлі түрде белгілеуден бас тарту жөнінде шешім қабылдады. Содан АИ-92 126.5 теңгеден саудалана бастады. Дизельдің бір литрі ол кезде 99 теңге тұратын.
2016 жылы 92-бензин сәл арзандады. Бұл жанармайды алатындар 125.3 теңге төлейтін еді, тамыздың аяғына қарай сұйық отынның бір литрі үшін 126 теңге сұрала бастады. Желтоқсанның ортасында отын құны тіпті шарықтап, 135 теңгеге жетті. Осы жылы шенділер дизель бағасын қадағалауды доғарды. Нәтижесінде оның құны 99-дан 130.6 теңгеге артты.
2015-2016 жж. отын бағасындағы өзгерістер
| Отын түрі | Жыл басындағы баға | Жыл соңындағы баға | Айырмашылық |
| 2015 | |||
| АИ-92 | 107 теңге | 125.3 теңге | +17.1 % |
| Дизельді отын | 105 теңге | 99 теңге | -5.7 % |
| 2016 | |||
| АИ-92 | 125.3 теңге | 134.6 теңге | +7.4 % |
| Дизельді отын | 99 теңге | 130.6 теңге | +31.9 % |
2017 жылдың басында 135.8 теңге тұратын АИ-92 желтоқсанда 163.2 теңгеден саудаланды. 2018 жылы баға сан құбылды. Екі жыл ішінде дизель құны 130 теңгеден 192.8 теңгеге көтерілді.
Көлігіне 92-бензин құятындар 2019 жылды сағынышпен еске алатын шығар. Себебі жыл басында сұйық отын арзандап, бірнеше ай ішінде 151-ден 145-ке дейін құлдырады. Дизель бағасы бір-екі теңгеге ғана құбылып, 2019 жылдың соңында 192.8 теңге межесіне жетіп тоқтады.
2017-2019 жж. отын бағасындағы өзгерістер
| Отын түрі | Жыл басындағы баға | Жыл соңындағы баға | Айырмашылық |
| 2017 | |||
| АИ-92 | 134.6 теңге | 158.8 теңге | +18 % |
| Дизельді отын | 130.6 теңге | 157.4 теңге | +20.5 % |
| 2018 | |||
| АИ-92 | 158.8 теңге | 155.8 теңге | -1.9 % |
| Дизельді отын | 157.4 теңге | 192.8 теңге | +22.5 % |
| 2019 | |||
| АИ-92 | 155.8 теңге | 145 теңге | -6.9 % |
| Дизельді отын | 192.8 теңге | 192.8 теңге | – |
Қорыта айтсақ, 2015 жылдан бері АИ-92 51.5 %-ға, ал дизельді отын екі есе қымбаттады.
2015-2017 жж. Қазақстанда сұранысы жоғары жанармай маркаларының орташа бағасының өзгеруі
Комментариев: 0