2021 жылдың көктемі Қазақстанда бензин бағасының үздіксіз өсуімен есте қалатын секілді. Жыл басында АИ-92 бензинін 150-152 теңгеге құюға болатын еді, ал қазір ірі желілерде жанармай 10 теңгеден аса қымбаттады. АИ-92-нің литрі 163-168 теңгеге жетті. Оның үстіне бұл елдегі ең жоғары баға емес, отынды бұдан да қымбат сатып жатқандар бар. Солтүстік аймақтағы кейбір бекеттерде литріне 179 теңге сұралады.
Нарықтағы негізгі сатушылар арасында сәуірде Royal Petrol және Qazaq Oil (бұрынғы «ҚазМұнайгаз») бекеттерінде айқын өсім байқалды. RP наурыз соңында АИ-92 160 теңгеден саудаласа, қазір 168 теңгеге сатып жатыр. Qazaq Oil-да баға 153-тен 163-ке артты.
Бензин құны шарықтағанмен, дизельде еш өзгеріс жоқ. Тек Sinooil оның литріне 185 емес, 186 теңге сұрайды.
Еске сала кетейік, кейбір өңірлерде бензин тапшы. Бірнеше күн бұрын Оралда бір қолға бес литрден артық жанармай берілмейтіні хабарланған. Жергілікті билік мұны Атыраудағы мұнай өңдеу зауытында жөндеу жүріп жатқанымен байланыстырды. Зауыт 15 сәуірде іске қосылады.
Комментариев: 0