Ресей астанасында Жол қозғалысын ұйымдастыру орталығы мен 2ГИС картографиялық қызметі бірлесіп жаңа жобаны іске қосты. «Коммерсантъ» хабарлағандай, бұның арқасында Мәскеудегі жүргізушілер бағдаршам жұмысын нақты уақыт режимінде навигатор арқылы бақылай алады. «Яндекс» те қосымшасын жаңартып жатыр.
Алғашқы кезеңде навигация қосымшалары тек кейбір жол қиылысындағы бағдаршамдармен мәлімет алмасады. Кейін жүйенің қамту аумағы кеңейеді. 2ГИС өкілдері жүргізушілер тек бағытына сәйкес келетін сигналдарды көреді, бұл түсінікті болу үшін жасалған дейді.
«Яндекс» мұндай технологияны тағы бір пайдалы бағытта қолдануға болатынын айтты. Бағдаршамның келесі сигналына дейін қанша уақыт қалғанын есептеп, жүргізушіге жасыл түске өту үшін қандай жылдамдықпен жүру керегін ескертеді. Бұл деректер жолға кететін уақытты дәл болжауға және жол жүктемесін көрсететін картаның сапасын арттыруға мүмкіндік береді.
Сарапшылар мұндай технологияның жағымсыз жағы да бар екенін атап өтті. Олардың пікірінше жүргізушілер жолға емес, навигаторға жиі қарайтын болады.
Комментариев: 0