Елде бірнеше ай бойы жалғасып келе жатқан дизельді отынның анағұрлым қымбаттауы аясында, мұнай-газ секторының талдаушысы Сергей Смирнов Қазақстанға бұдан әрі қарай не күтуге болатынын айтып берді.
Смирновтың айтуынша, ЖЖМ бағасы ресейлік отын бағасымен теңескенше өсе береді, ал ол жергілікті бағадан әлдеқайда қымбат. Мысалы, РФ-да АИ-92 шамамен 229 теңге тұрса, күшті отын 243 теңгеден сатылады екен.
Бұл орайда, талдаушы Қазақстан мен Ресей арасында тек ЖЖМ құнында ғана емес, баға белгілеуде де айырмашылық барын баса айтты.
—Егер Ресейде шикізат үлесі 7-10 пайызды құраса, салықтар мен акциздер үлесі — 50 пайызға дейін жетеді, ал Қазақстанда керісінше, 50 пайызға жуығы шикізатқа байланысты, және бар болғаны 15 пайызы ғана салық алымдарының үлесіне тиеді. Ол жақта да, бізде де барлық салмақ тұтынушының қалтасына түседі. Алайда, тек Ресейде ғана қаражат бюджетке кетеді, ал бізде — жеке тұлғаларға, — деді Смирнов.
Шамасы, бағадағы толық теңгерімге біз 2025 жылға қарай қол жеткізетін сияқтымыз. ЕЭО елдерінде біртұтас отын-энергетикалық нарық құру осы уақытқа жоспарланған.
Комментариев: 0