2018 жылы Audi компаниясы e-tron GT концептуалды электромобилін таныстырып, оның кейін сериялы түрде өндірілетінін айтқан. Міне, сол күн жетті. Тауарлық седанның шоукардан еш айырмашылығы жоқ, тек есік тұтқасы қарапайымдау және камера орнына айна орнатылған.
Жаңа көлік J1 платформасында жасалады. Porsche Taycan да осы J1-ге негізделеді. Айта кетерлігі, қос машинаның дөңгелек базасы бірдей (2900 мм), ұзындығы мен профилі де ұқсас.
Электромобиль толық жетекті, екі электромотор алдыңғы және артқы осіне орнатылған. Стандарт седан 476 ат күшіне, ал RS нұсқасы 598 ат күшіне ие.
Нұсқасына қарамастан e-tron GT-ге сыйымдылығы 93 кВт·сағ батарея орнатылады. Қарапайым седанның жүріс қоры — 472 км, ал RS (WLTP) 487 шақырымды еркін еңсереді. Толық қуаттауға 25 минут жетеді.
Германияда Audi e-tron GT-дің бағасы 99.8 мың еуродан басталады. RS алам деушілер кемі 138 мың еуро жұмсайды. Модель болашақта Қазақстанға да келеді.
Комментариев: 0