Жолаушы тасымалдаушыларға 300 млн теңгеге жуық айыппұл салынды. Мегаполистегі кәсіпкерлер палатасы прокуратураға шағымданған соң жүргізілген тексеріс нәтижесінде 22 автобус паркіне жолданған 28 мың хаттаманың күші жойылды. Сөйтсе әкімдіктегі жауапты мамандар автобустардың нөмірін полиция базасына дер кезінде енгізбепті. Сондықтан «Сергек» камералары арнайы жолақпен жүйткіген жүргізушілерді тіркеп, айыппұл салған.
Қазір заңсыз салынған айыппұлдардың күші жойылып, тасымалдаушыларға қатысты қозғалған әкімшілік іс тоқтады.
Еске сала кетейік, жол ережесіне сай арнайы жолақпен жолаушы және жүк тасымалдаушылар, ресми такси қызметі жүруге құқылы. Аталған көліктер заңнамада көрсетілген талаптарға сай болуы тиіс. Ол жөнінде біз жазған мына материалдан оқуға болады.
Қала билігі арнайы жолақпен жүруге құқылы машиналардың нөмірін базаға енгізу үшін мекемелерден тізім беруді талап етеді. Бірақ байқағанымыздай, шенділер сол тізімді тәртіп сақшыларына жолдауға асықпайтын сыңайлы.
Комментариев: 0