Ақтөбе облысында ВМW жүк көлігіне соғылды

Адам өліміне әкелген апат 1 тамыз күні 11:00 шамасында болған. Самара — Шымкент тас жолының 765-шақырымында 5-сериялы BMW мен Mercedes жүк көлігі соғылды. Тәртіп сақшылары оқиғаға қатысты толық ақпарат берген жоқ. Бірақ апат орнынан түсірген видеодан жеңіл машина жүк көлігіне арт жақтан соғылғанын байқауға болады. Тіркеме аударылып қалған, ал BMW түгі қалмай өртеніп кетіпті.

«BMW жүргізушісі мен екі жолаушы оқиға орнында жан тапсырды, тағы бір адам ауруханада жатыр», — деді полиция.