20 шілде, түнгі 11 шамасында Ақтаудағы жетінші шағынауданда Lada Largus пен Toyota Land Cruiser Prado қатысқан жол апаты болды. Облыстық полиция департаменті берген ақпарат бойынша универсал тізгіндеген азамат жоғары жылдамдықта келе жатып, рөлге ие бола алмай қалған. Салдарынан машина Toyota LC Prado-ға соғылып, жолдан шығып кетеді де, ағашқа соғылады. Ал жол талғамайтын көлік аударылып қалған.
Апаттан бір күн өткен соң жергілікті Lada.kz порталы Lada Largus-тың салонынан түсірілген видеоны жариялады. Одан «Ларгустың» қатарындағы көліктерден жылдам қозғалып келе жатқаны, ал мұны камераға түсіріп отырған жолаушы апат алдында «Тоқтат!» деп айқайлағаны байқалады.
«Лада» рөліндегі 19 жастағы жігіт апат орнында жан тапсырды. Ауруханаға жеткізілген қызды дәрігерлер медициналық көмек көрсеткен соң үйіне жіберген.
Комментариев: 0