Associated Press-NORC қоғаммен байланысты зерттеу орталығы мен Чикаго университетінің энергетикалық саясат институты бірлесіп жүргізген зерттеу нәтижесінде америкалық жүргізушілердің таңдауы белгілі болды.
Сауалнамаға қатысқан 5408 адамның 19 %-і ғана электромобильді ойланбай сатып аламыз десе, 22 %-і «сатып алуым мүмкін» деген нұсқаны таңдаған. Респонденттердің басым бөлігі (47 %) келесі автокөлігі электрокар болатынына күмәнданатынын, бұдан кейін де дәстүрлі моторы бар машина сатып алатынын айтты деп жазды Carscoops.
Қазіргі жағдай бойынша отбасы немесе жұптардың 8 %-інде кем дегенде бір электромобиль бар (өзінікі немесе жалға алған), 8 %-і plug-in гибрид мініп жүр. Бұл ел Tesla отаны болса да, тұрғындар Prius-ты жақсы көреді. Сондықтан алпауыт автоөндірушілер бензоэлектрлі күштік құрылымның түр-түрін ұсынса да, оларға сұраныс төмен.
Халықтың электромобильді қабылдамауының басты себебі — баға ( Kelley Blue Book мәліметіне сүйенсек, бір машина 58 000 доллар тұрады). Сауалнамаға қатысқандардың жартысы көлік қуаттайтын станция желілері дамымағанын, 41 %-і «электрлі машина» аккумуляторының жұмысына көңілі толмайтынын және 38 % адам қуаттауға ұзақ уақыт жұмсайтынын айтты.
Комментариев: 0