АҚШ-та Дайтонада жеңіске жеткен BMW M3 (E36) сатылады

Bring a Trailer порталы E36 шанағындағы ГBMW M3-ті сатуға қойды. Бірақ бұл қарапайым седан емес, оның жарыс нұсқасы. Көлікті BMW North America-ға арнап Prototype Technology Group жасаған.

Шасси нөмірі STC 95/002 көлік 1998 жылы Дайтонадағы 24 сағат марафонында алғаш төбе көрсетті. Онда M3 экипажы өз класында жеңіске жетіп, жалпы есепте алтыншы орын алды. 1998 жылы автомобиль «Себрингтегі 12 сағат» және өзге де бірнеше жарыста топ жарды. Машинаның спорттағы жолы мұнымен аяқталған жоқ. 2000 жылы ол Genesis Racing-ке сатылды.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Қазіргі иесі седанды 2006 жылы алыпты. 2014 жылы ол машинаны толық қалпына келтіруге тапсырыс беріп, 1998 жылғы маусымдағы жарыс ливреясын қайтарды.

M3 көлемі 3.4 литрге дейін артқан зауыттық алты цилиндрлі мотормен жүреді. Қозғалтқыш құрғақ картер жүйесі сияқты бірқатар жарысқа арналған компонентпен жабдықталған. Агрегат айналу моментін 6 сатылы Elite IL300 6S Evo II беріліс қорабы және үйкеліс күші жоғары дифференциал арқылы артқы дөңгелектерге береді.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Седанды қайта жөндеген кезде оған жаңа жанармай багы мен заманауи кресло орнатты. Егер сатып алушы M3-пен жарысқа қатысқысы келсе, қауіпсіздік белдігін ауыстырып, өрт сөндіру жүйесін толтыруы керек. Сондай-ақ салонды салқындату кешенін тексеріп алғаны жөн. Машинада әдеттегі ауа баптағыш жоқ, оның орнына ChillOut компаниясының қондырғысы орнатылған, ол ауаны тікелей шлемге жеткізеді.

Prototype Technology Group жарысқа арналған жеті M3 (E36) құрастырды, оның төртеуі купе, үшеуі седан. Иесі машинаны қаншаға сатқалы отырғаны белгісіз, бірақ қазіргі бағасы 211 мың долларға жетті.