Қазақстан автобизнес ассоциациясының (ҚАБА) мәлімдеуінше, ақпанда дилерлер 7,2 мыңнан сәл артық машина сатты (жеңіл коммерциялық көліктерді қосқанда). Бұл қаңтармен салыстырғанда әлдеқайда аз. Жылдың алғашқы айында 8,3 мың автокөлік иесін тапты.
Бірақ биыл ақпан айындағы көрсеткіш өткен жылғыдан 33%-ға өсті. Ал жалпы екі айдағы сатылым мөлшері 2020 жылмен салыстырғанда 43%-ға артқан.
Hyundai автомобиль нарығындағы көшбасшы орнын сақтап қалды. Ақпанда бренд көліктерінің 2045 данасы сатылды. Екінші орында Chevrolet (1877) орналасқан, ал үздік үштікті Toyota түйіндеп тұр (744). Төртінші сатыға Лада жайғасты (616).
2021 жылғы ақпан қорытындысы бойынша жаңа көліктер нарығындағы үздік 10 марка
| Орын | Марка | 2021 жылғы ақпандағы сатылым (дана) |
| 1 | Hyundai | 2045 |
| 2 | Chevrolet | 1877 |
| 3 | Toyota | 744 |
| 4 | Lada | 616 |
| 5 | JAC | 272 |
| 6 | Volkswagen | 269 |
| 7 | Nissan | 249 |
| 8 | Renault | 205 |
| 9 | Kia | 166 |
| 10 | Lexus | 123 |
Алғашқы төрттікте өзгеріс болмағанмен, одан кейінгі орындарда жағдай мүлде басқаша. Қытайлық JAC бесінші орынға ие болды (272 дана). Бұл бренд бір ай бұрын тоғызыншы қатарда тұрған. Өткен айда сегізінші сатыда болған Volkswagen ақпанда алтыншы орынға көтерілді (269). Бұлардан бөлек үздік ондыққа Nissan (249), Renault (205), Kia (166) және Lexus (123) енді.
Модельдер арасында Hyundai Accent (933) үздік атанды. Chevrolet Cobalt (861) пен Chevrolet Nexia (800) екінші, үшінші орынға жайғасты.
Айта кетерлігі, Hyundai Sonata үздік ондыққа енді. Бағасы 10,1 миллион теңгеден басталатын автокөліктің 240-ы сатылып, жетінші орыннан көрінді. Ал Toyota Camry одан бір саты жоғары тұр (313 дана).
Комментариев: 0