Қазақстан автобизнес ассоциациясы (ҚАБА) берген дерекке сүйенсек, 2021 жылдың алғашқы айында 8 333 көлік сатылды, оның 7 771 данасы — жеңіл машина. Бұл былтырғы жылмен салыстырғанда 54 %-ға жоғары көрсеткіш.
Бұл жолы Hyundai үздік марка атанды. Дилерлер 2 392 автомобиль сатып, 111 % өсім көрсетті. Екінші орында 2233 өнімі иесін тапқан Chevrolet тұр. Бұл брендтің 2021 жылы алғашқы орыннан көрінуі әбден мүмкін. Ал үштікті Toyota (1046) түйіндеді.
2021 жылғы қаңтарда жоғары сұраныста болған 10 модель
| Орын | Марка | 2021 жылғы қаңтардағы сатылым (дана) |
| 1 | Hyundai | 2392 |
| 2 | Chevrolet | 2233 |
| 3 | Toyota | 1046 |
| 4 | Lada | 575 |
| 5 | Kia | 332 |
| 6 | Nissan | 249 |
| 7 | Renault | 200 |
| 8 | Volkswagen | 148 |
| 9 | JAC | 113 |
| 10 | Lexus | 99 |
Төртінші орынға Lada жайғасты. Өнімін Ресейден тікелей тасымалдап жатқан марка үшін жыл сәтсіз басталды. Былтырғы қаңтармен салыстырғанда сатылым 37 %-ға төмендеді (575). Одан кейінгі орында Kia (332) тұр.
Kia-ның 15 қаңтарда біздің елдегі дистрибьюторын ауыстырғанын айта кеткен жөн. Қазір бұл іспен Allur Motor Qazaqstan айналысуда. Одан бөлек ірі торапты өндіріс «Сарыарқаавтопромға» өтті.
Модельдер арасында Chevrolet Cobalt (1089) үздік атанды. Үздік үштіктегі екінші және үшінші орынды Chevrolet Nexia (1007) мен Hyundai Accent (992) өзара бөлісті.
Комментариев: 0