Наурызда 7 534 жеңіл және коммерциялық техника мен 800-ден аса жүк көлігі, арнайы техника және автобус иесін тапты. Бұл өткен жылмен салыстырғанда 21 %-ға жоғары көрсеткіш. Жағдай бұдан жақсы болар еді, алайда салондарда көлік тапшылығы байқалды.
2021 жылғы І тоқсан нәтижесі бойынша сатылым 35 %-ға артып, 24 156 көлік өтті.
Қазақстан автобизнес ассоциациясы (ҚАБА) сәуірде аналитикада өсім жоғарылайды деп болжап отыр. Себебі былтыр індет өршігенде автосалондар мен мамандандырылған ХҚКО түгел жабылып, көлік сату мүлде мүмкін болмаған.
Наурызда 2 161 машинасы сатылған Chevrolet көш бастады. Тізімнің екінші сатысына Hyundai (1907 дана) жайғасса, үшінші орынға 1 169 көлігі иесін тапқан Toyota табан тіреді. Төртінші орында Kia (340 дана) тұр, ал үздік бестікті Volkswagen (339) түйіндеді.
2021 жылғы наурыз қорытындысы бойынша жаңа көліктер нарығындағы үздік 10 марка
| Орын | Марка | 2021 жылғы наурыздағы сатылым (дана) |
| 1 | Chevrolet | 2161 |
| 2 | Hyundai | 1907 |
| 3 | Toyota | 1169 |
| 4 | Kia | 340 |
| 5 | Volkswagen | 339 |
| 6 | Nissan | 316 |
| 7 | Lada | 277 |
| 8 | Renault | 250 |
| 9 | Lexus | 244 |
| 10 | JAC | 144 |
Көктемнің алғашқы айында Lada-ның саудасы тұралап, үздіктер тізімінде аздаған өзгеріс болғанын айта кеткен жөн. Бұған «Азия Автода» жұмыс тоқтап, «Бипэк Авто» салондарында марка өнімдерінің азаюы себеп болды. Енді ресейлік брендтің өнімдерін басқа дилерлер сатады.
Модельдерге келер болсақ, 1000 данасы өткен Chevrolet Cobalt көш бастады. Екінші орын Chevrolet Nexia 3 (873 дана) еншісінде, үштікті Hyundai Accent (763 дана) түйіндеді.
Комментариев: 0