Апта аяғында Sokol Fest өтеді

Алматы — Астана тас жолының 76-шақырымында орналасқан Sokol спорт кешенінде 2026 жылғы алғашқы автофестиваль өтеді. Қонақтар автошоу мен жарысқа қатысқан машиналарға баға беріп, драг-стрип пен дрифт-шоу тамашалай алады, сондай-ақ автодром жолында Ring Taxi немесе дрифт-таксимен жүру мүмкіндігіне ие болады.

Көрермен өзі қаласа, картинг жалға алу, мотокросс мектебі, ашық трек күні (сілтеме арқылы алдын ала тіркелу қажет), спорттық Chevrolet Cobalt-ты жүргізіп көру (шартын сілтемеден көріңіз) сияқты іс-шараларға қатысады.

Ұйымдастырушылар фестивальді отбасылық демалыс ретінде әзірлеген, соған сай балаларға арналған арнайы сайыстар (шоу-бағдарлама, мастер-класс және т.б.) бар.

Sokol Fest үш күнге жалғасады:

• 3 сәуір, жұма, сағат 11:00-ден 18:00-ге дейін;
• 4 сәуір, сенбі, сағат 11:00-ден 23:00-ге дейін;
• 5 сәуір, жексенбі, сағат 11:00-ден 18:00-ге дейін.

Кіру ақылы. Билет бағасы — 8000 теңге. Билетті мына сілтеме арқылы аласыз.

Sokol Fest-тің кей кезеңін автодромның ресми YouTube-арнасынан көруге болады.