25 маусымда мегаполистің Алмалы ауданында көшелер біржақты болып өзгерді. Жол қозғалысы және жолаушылар көлігін ұйымдастыру басқармасы хабарлағандай, қозғалыс схемасы былай өзгерді:
- Прокофьев көшесінде Абайдан Кіші Абайға дейін — солтүстік бағытта;
- Кіші Абай көшесінде Прокофьевтен Брусиловскийге дейін — шығыс бағытта;
- Түркебаев көшесінде Сәтбаевтен Төле биге дейін — солтүстік бағытта.
«Әкімшілік полиция басқармасымен бірлесіп жасалған өзгеріс жолдың өткізу қабілетін арттыруға, жүктемені азайтуға әрі жолдағы даулы жағдайлардың санын қысқартуға бағытталған. Көлік қозғалысын талдап, аудан тұрғындарының өтінішін ескере отырып осындай шешім қабылдадық. Жаңа схема қозғалысты реттеп, жол қауіпсіздігін арттырады», — деді шенеуніктер.
Басқарма қызметкерлері схема пилоттық режимде іске қосылды деді. Аталған көшелерде біржақты қозғалысты қалдыру немесе одан бас тарту туралы шешімді оның тиімділігін бағалағаннан кейін қабылдайды.
18 маусымнан бері Медеу ауданындағы Достық даңғылы Гогольден Жібек жолына дейін (солтүстікке қарай), Зенков көшесі Мақатаевтан Гогольге дейін (оңтүстікке қарай) бір жақты. Әуезов ауданындағы Атамекен шағын ауданында орналасқан Атамекен көшесінде де № 103 үйден № 108 үйге дейінгі аралықта (оңтүстік бағытта) көлік бір бағытта қозғалады.
Комментариев: 0