Бүгін Марков — Тимирязев қиылысындағы бағанада ерекше құрылғы көзге түсті. Сырттай объективі бар қарапайым электр қорабына ұқсайды. Жапсырмасында «Жол қозғалысын ұйымдастыру орталығының меншігі. Алматы әкімдігі» деп жазылған.
Жол қозғалысын ұйымдастыру орталығы Kolesa.kz редакциясына хабарлағандай, бұл құрылғылар уақытша тұр. Олар 2–3 күн бойы қиылыстағы көлік легінің қарқынын есептейді. Қазір қызметкерлер Шашкин мен Марков көшелерін бір бағытты ету үшін алдын ала зерттеу жүргізіп жатыр.
Оңтүстік астананың 26 көшесін бір бағытты ету идеясы бұрынғы әкім Б. Байбек әзірлеген Жол қозғалысын ұйымдастырудың кешенді схемасының жаңарған нұсқасында жазылған және ол Алматы қаласының Басжоспары жобасымен байланысты.
Осы схемаға сәйкес Марков көшесінде автомобильдер солтүстіктен оңтүстікке (төменнен жоғары), ал Шашкинде оңтүстіктен солтүстікке (жоғарыдан төмен) қарай қозғалуы керек.
Комментариев: 0