Бүгін Алматы әкімдігі бірнеше көше біржақты болғанын хабарлады.
«18 маусымнан бастап Медеу ауданындағы Достық даңғылының Гогольден Жібек жолы көшесіне дейінгі бөлігі солтүстікке қарай бір бағытты болады. Зенков көшесінде көлік Мақатаевтан Гогольге дейін оңтүстік бағытта қозғалады. Әуезов ауданында Атамекен көшесінің (Атамекен шағынауданы) № 103 үйден № 108 үйге дейінгі бөлігі біржақты схемаға (оңтүстік бағытта) ауысады», — деп хабарлады шенділер.
Әкімдік көлік жүктемесін азайту, жолдың өткізу қабілетін арттыру және жолда болатын даулы жағдайларды азайту үшін аталған көшелерде қозғалыс схемасын өзгерту туралы шешім қабылдаған. Үкімет қазіргі көлік жағдайын талдап, аудан тұрғындарының өтінішін ескере отырып өзгеріс енгіздік деді.
Біржақты бағыт пилоттық режимде іске қосылады. Мониторинг нәтижесіне қарай әкімдік жаңа схеманы қалдырады немесе бұрынғысын қайтарады.
Комментариев: 0