2024 жылы «Қайрат» шағын ауданынан Талғар тас жолына шығатын Хмельницкий көшесін салу жұмысы басталады. Көшенің жаңа бөлігінің ұзындығы 4.3 шақырым болады.
Райымбек даңғылы Жетісу көшесінен Талғар тас жолына дейін ұзарады, тағы 2.6 шақырым қосылады.
Бұдан бөлек биыл Мұқанов көшесін Райымбектен Мақатаевқа дейін (0.6 км), Оңғарсынова көшесін оңтүстікке қарай Райымбекке дейін (0.3 км) ұзарту жұмысы басталады.
Мамандар аталған жол бөліктерінің құжатын дайындап, сараптамадан өткізіп жатыр.
Әкімдік Төле би көшесін Яссауиден қала шекарасына дейін (4.5 км) ұзарту үшін жер телімдерін сатып алу жұмысы жалғасып жатқанын хабарлады. Жақында Жұбанова көшесін Момышұлынан қала шекарасына дейін (3.9 км) ұзарту үшін жер телімін сатып алу жұмысы басталады.
2024 жылы Мөңке би мен Абай даңғылының қиылысындағы жолайрық ашылып, Саин көшесі Строительнаядан қала шекарасына дейін ұзарады. Сондай-ақ биыл Сейфуллина — Жансүгіров қиылысындағы жолайрық іске қосылады.
Комментариев: 0