Абай даңғылының Строительная көшесінен қала шетіне дейінгі бөлігін ұзарту биыл аяқталуға тиіс. Жоспар бойынша көлік магистралінің 645 метрін салу үшін қала қазынасынан 3 млрд теңге бөлінеді.
Алты жолақты жолдың екі шетінде қосымша өткел, веложолақ және тротуар болады.
Мамандар жаңа бөлікке 8 бағдаршам мен жаяу жүргіншілерге арналған 24 ақпараттық табло орнатады. Даңғыл бойымен сағатына 80 км жылдамдықпен жүруге рұқсат, ал қосымша өткелде ол 40 шақырыммен шектеледі.
Болашақта Абай даңғылы Үлкен айналма жолға қосылады, бірақ ол іспен Алматы облысының билігі айналысады.
Біраз уақыт бұрын мегаполис әкімдігі 2024 жылы Абайдан бөлек Саин көшесінің қалған 3.2 шақырымын ұзарту, Мұқановтың Райымбектен Мақатаевқа дейінгі бөлігін ұзарту жұмысын бастау жоспарда бар деп мәлімдеген.
Комментариев: 0