Биыл Алматыда екі ірі жолайрық құрылысы аяқталуы керек. Мұны қалалық мобилділік басқармасының басшысы Сағындық Телібаевтың мәлімдемесіне Zakon.kz сілтеме жасап хабарлады.
Бірінші жоба — Мөңке би мен Ақын Сара қиылысындағы жолайрық. Құрылыс 2021 жылы басталды, ал 2023 жылдың маусымында аяқталуы керек еді, бірақ биліктегілердің жоспары жүзеге аспады. Былтыр маусымда Алатау ауданының тұрғындарымен өткен кездесуде қала әкімі Ерболат Досаев жылдың аяғына дейін жол ашылады деп сендірді. Ал қазір ҚМБ биыл ашуды жоспарлап отырғандарын айтты.
Екінші жоба — Сейфуллин мен Жансүгіров қиылысындағы эстакада. Жерді сатып алуға байланысты қиындық туындағандықтан оның мерзімін 2017 жылдан бері кейінге қалып келеді. Сағындық Телібаевтың айтуынша жерді сатып алу процесі аяқталды және осы жылдың аяғына дейін көпір қолданысқа берілуі керек.
Комментариев: 0