Әкімшілік кодекске ереже бұзғандарды камера мен дрон арқылы автоматты түрде анықтау мүмкіндігін арттыратын түзету 12 наурызда күшіне енді. Алматы полициясы камералар рөлде отырып телефон қолданған, қозғалыс кезінде қауіпсіздік белдігін тақпаған жүргізуші мен жолаушыны көреді деп мәлімдеді.
Қозғалыс кезінде мессенджер, навигатор пайдалану немесе видео қарау заң бұзушылық болып санала ма?
Жол ережесіне сәйкес көлік жүргізгенде телефон немесе радиостанция пайдалануға тыйым салынады, оларды тек құлаққап немесе дыбыс күшейткіш арқылы қолдануға болады. Мұндағы «пайдалану» тек сөйлесуді емес, хат жазу, навигаторда мекенжай іздеу және басқа әрекеттерді қамтиды. Сондықтан смартфон ұстап отырудың өзі ереже бұзушылық ретінде қаралуы мүмкін.
Өкінішке қарай жүргізушілердің қолынан телефон түспейді. Қарап отыратындары тек навигация емес,
TikTok-тағы видеолар, бейнеқоңырау, чат, тіптіонлайн-казино кездеседі.
Sergek Group хабарлағандай, 12 наурыздан бастап камералар телефонмен сөйлесу фактісін ғана емес, жүргізуші оны қалай қолданғанын көре алады. Техника автоматты түрде айыппұл жазбайды. Алдымен полиция қызметкері бейнежазбаны қарайды, кейін шешім қабылдайды.
Ресейдегі камералар телефон қолданатындарды 5 жыл бұрын тіркей бастаған. Ол жақта айыппұлды жасанды интеллект рәсімдейді. Кей дерек бойынша шағым көп түседі. Жүйе кейде дұрыс жұмыс істемейді, құлағыңды қасысаң айыппұл төлейсің.
Бізде бұл жүйе қалай қызмет ететінін уақыт көрсетеді.
Комментариев: 0