Алматыдағы Абылай хан даңғылында салынатын LRT заңды ма?

Кейінгі кезде Алматыдағы Абылайхан даңғылы Райымбектен жоғары қарай үнемі жабылып қалатын болды. Өйткені осы жол бөлігіне жеңіл рельсті желі (LRT) салу үшін мамандар коммуникацияларды көшіріп жатыр. Ендеше осы даңғыл бойымен трамвай жүргізуге бола ма?

Абылай хан даңғылы — төрт жолақты, жолдың ені 14–15 метр. Әкімдік онда салынатын LRT-ның толық жобасын еш жерде жариялаған жоқ, тек қоршаған ортаға әсерін талқылау үшін жобаның қысқа бөлігін ұсынды. Осы құжаттан кейбір деректі білуге болады. Құжатта екі бағытта трамвай жүргізу үшін жолдың 7.5nbsp;метрі (яғни, тең жартысы) бөлінеді деп жазылған. Демек даңғылда басқа көліктерге әр бағытта бір жолақтан ғана қалады.

Яғни, бұл мегаполистің жоғарғы бөлігіндегі BRT желісімен бірдей, мысалы, Тимирязев көшесіндегі BRT стандарт талабына сай келмейтіні анықталған. Өйткені LRT дегеніміз трамвайға арналған бөлек жолақ. Ал Қазақстан заңнамасына сәйкес бір бағытта үштен аз жолағы бар көшеге арнайы жолақ сызуға болмайды.

Билік бірнеше мәрте стандартты өзгертуді ұсынған, бірақ метрологтар, Көлік министрлігі және ІІМ бас тартты. Олар тар көшеге арнайы жолақ салу өте қауіпті қадам деп санайды. Осы жағдайды өзгерту үшін Алматы қаласының жол инфрақұрылымын дамыту басқармасы биыл наурызда «Алматыда көше-жол кеңістігін ұйымдастыру. Жалпы техникалық талаптар» атты жеке стандарт әзірледі. Құжат әкімдіктің өзі қалаған көшеге арнайы жолақ сызуына рұқсат береді, бірақ ол әлі қабылданған жоқ.

View this post on Instagram

A post shared by LRT ALMATY (@lrt.almaty)

Момышұлы мен Төле бидің ені LRT салуға жарайды, оның үстіне бұл жолдар кезінде трамвай қозғалысына арналған. Бірақ Абылай хан даңғылының Төлеnbsp;биден Алматы-2 вокзалына дейінгі бөлігінде желі стандарт талабын бұза отырып (яғни, заңсыз) салынбақ.

Әу бастағы жоспар бойынша жүрдек трамвай қаланың орталық бөлігінде — Төле би бойымен Шығыс айналма жолдағы болашақ автовокзалға дейін, ал Райымбек даңғылына қарай көлік қозғалысы аз Панфилов көшесімен жүруге тиіс еді. Шенділер Абылайnbsp;хан даңғылына рельс төсеу идеясын қашан ойлап тапқаны белгісіз. Әкімдік жаңа бағытты Алматының 2040nbsp;жылға дейінгі даму жоспары мен оған қатысты барлық құжатқа енгізіп қойыпты.

Қоршаған ортаға әсерін бағалау жобасында «LRT қаланың көркіне айналады» деп жазылған. Мұндағы логика түсінікті: Алматы-2 вокзалынан шыққан турист трамвайға отырып, мегаполис орталығына жол тартады. Бірақ жоба авторлары турист жол бойы кептеліске қарап отыратынын ескермеген сияқты.