Әлеуметтік желіде күлкілі жол апатының видеосы жарияланды. Оқиға Шевченко көшесіндегі веложолақта болған.
Бейнежазбадан велосипедшінің өз жолағымен батысқа қарай қозғалып бара жатқанын байқауға болады. Бірақ Байзақов көшесімен қиылыста ол суағар қақпағын айналып өтем деп, қарсы жолаққа шығып кетеді де, электросамокат мінген қызға бетпе-бет соғылады.
Апатқа ұшыраған азаматтардың жағдайы жайлы ақпарат жарияланған жоқ.
Бұл оқиға қызық көрінгенімен, таңғаларлық жағдай емес. Өйткені қалада велосипед жолдары немесе веложолақпен жүргенде жол белгілерін, кейде тіпті бағдаршамды елемейтін велосипедшілер мен самокатшылар жиі кездеседі. Бұл қатарға мопедшілерді де қосуға болады.
Комментариев: 0