Қолда бар ақпаратқа сәйкес, қаңтардың басында болған тәртіпсіздік кезінде Алматыда 70-тен астам жанармай құю бекеті бүлінді, оның 15-і ауыр зақымдалып, екеуі толығымен өртеніп кетті.
Жанармай құю бекеттеріне келтірілген зиян жабдықтың бүлініп, кассаның тоналуымен ғана шектелмейді. Тонаушылар бекет қоймасынан шелекпен жанармай алып, көліктеріне құйған. Мұндай әрекетті бірнеше жерде куәгерлер видеоға түсіріп алыпты.
Атап айтқанда, Райымбек даңғылының Тұрғыт Озал көшесімен қиылысына жақын маңда орналасқан «Сокол» бекеті, Момышұлымен қиылысқа жақын жердегі Helios бекеті және Абай — Саин қиылысындағы Qazaq Oil бекеті тоналған.
Алматыдағы жанармай бекеттерінен қанша жанармай ұрланғаны есептеліп жатыр.
Комментариев: 0