Алматыда полицейлер мопедшіні жаяу қуды

Әлеуметтік желіде полицейлердің Алматыдағы Бұқтырма көшесінде мопедті қуып жүрген видеосы жарияланды. Оқиғаны қасынан өтіп бара жатқан жүргізуші түсіріп алыпты. Кадрдан мопедшінің қызметтік Chevrolet Equinox-тан қашып кетпек болғаны байқалады, бірақ полиция қызметкері оны жаяу қуып ұстап алды.

Ескерту! Видеода балағат сөздер бар. 18+

View this post on Instagram

A post shared by KRIS | P | ALMATY (@kris.p.almata)

Алматы қаласының ПД мопедші полицияның тоқтау туралы талабына бағынбағанын хабарлады. Қазір жігітке қатысты ҚР Әкімшілік кодексінің 615-бабына (жаяу жүргіншілер мен жол қозғалысына өзге де қатысушылардың жол ережесін бұзуы) сәйкес хаттама толтырылды. Бұл бап бойынша 2 АЕК (6000 теңгеден сәл асады) айыппұл төлейді. Ал полицияға бағынбағаны үшін жазаға тартыла ма, жоқ па белгісіз.