Бүгін, 19 қаңтар күні таңғы 7:11 шамасында Гагарин — Мыңбаев қиылысында Mercedes-Benz 190 мен Ravon Nexia R3 қатысқан жол апаты болды.
«Нексия» Гагарин даңғылы мен солтүстікке бет алған, сол сәтте «мерседес» Мыңбаев көшесімен шығыс бағытта қозғалып бара жатты. Видеожазбадан неміс машинасының жүргізушісі Гагарин қиылысына жеткенде «Жол бер» деген белгіні елемей, «Нексияның» алдынан шыға келгені байқалады. Соққыдан Mercedes-Benz арыққа түсіп кетті. Абырой болғанда ешкім ауыр зардап шекпеген. Nexia рөліндегі әйел жеңіл жарақат алды.
Осы қиылыста апат жиі болатынын айта кеткен жөн. Бұл мәселе бағдаршам орнатқанда шешілуі тиіс. Оны орнату билік жоспарында бар, бірақ қашан қойылатыны белгісіз. Ал әзірше Мыңбаев көшесімен жүретіндер үшін «Стоп» белгісін қойса жақсы болар еді. Бұл жүргізушілерді бір сәт тоқтауға міндеттейді.
Комментариев: 0