Алматыда LRT желісі көбейеді

Құжатта оңтүстік астанадағы алғашқы жүрдек трамвай желісі (LRT) Алатау ауданындағы индустриялық аймақтан Момышұлы, Төле би көшесімен, Төле биден Абылай хан даңғылына және Алматы-2 вокзалына дейін жүретіні жазылған. Шығыс бағытта Райымбек бойымен Малая Станица арқылы Бесағашқа дейін, одан Хмельницкий көшесі бойындағы жарты айналма жол арқылы Түрксіб және Алатау аудандарын басып өтіп, № 1 арнайы ХҚКО-ға барады. Шаңырақ-5 пен Шаңырақ-8 шағынаудандарында жеке жолақ болады.

Құжатта мерзімдер нақты көрсетілмеген, бірақ бұған дейін қала әкімінің баспасөз қызметі бірінші LRT желісінің құрылысы 2026 жылы басталып, 2028 жылы аяқталады деген. Алайда Алматы билігі бұрын да бірнеше рет осылай уәде берген.

Қала билігі бас жоспарға жаңа BRT сызбасын қосыпты.

Мұнда да нақты мерзім жоқ, бірақ екі апта бұрын әкімдік алдағы жылдары Алматыда қоғамдық көлікке арналған 42 жолақ салынады деп уәде берді. Бас жоспар жобасындағы сызбаға сәйкес BRT қаланы толығымен қамтитын сияқты.

Қазір BRT оңтүстік астананың Тимирязев көшесінде жұмыс істеп тұр, 14 желтоқсанда Желтоқсан көшесінде автобус жолағы пайда болды. Келесі кезекте Райымбек даңғылындағы BRT тұр, ол 2026 жылы аяқталуға тиіс.