Оңтүстік астанада BRT құрылысы 23 сәуірде басталды. Жұмысшылар әзірге жол жиегін жөндеп жатыр, маусымда жүргін бөлікке көшеді. Даңғыл мен ондағы қозғалыс қандай болады? Kolesa.kz редакциясына реконструкция жобасы келіп түсті. Біз бұл жоба туралы егжей-тегжейлі ақпарат береміз.
Райымбек даңғылындағы BRT құрылысы үш кезеңге бөлінген:
- Пушкиннен Сейфуллинге дейін;
- Сейфуллиннен Ахрименкоға дейін;
- Ахрименкодан «Алтын Орда» базарына дейін және Пушкиннен Жетісуға дейінгі қысқа бөлік.
Барлық бөлікте жұмыс бір уақытта басталды және биыл жаздың аяғына дейін аяқталуға тиіс.
Пушкиннен Сейфуллинге дейінгі BRT желісі қандай болатынын Kolesa.kz редакциясы бұған дейін жазған. Енді екінші және үшінші кезеңді қарастырайық, себебі бұл жерде жолшылар бірқатар ерекше шешім қабылдаған.
Сейфуллиннен Ахрименкоға дейінгі бөлік
Бұл бөліктегі
Жоба талқыланып жатқанда автобустар Сейфуллиндегі көпірден қалай өтеді деген сұрақ туындады. Себебі бұл көпір кең емес, онда арнайы автобус жолағы пайда болса арты кептеліске ұласады. Жоба бойынша таңба Райымбек пен Сейфуллин қиылысында BRT көпір арқылы емес, жанымен (жермен) өтеді. Сейфуллин бойындағы қозғалысты бағдаршам реттейді.
Бөкейханов көшесіне дейінгі аралықта BRT жылдам автобус дәлізі емес, тек соған ұқсайтын жүйе сияқты болады, өйткені әртүрлі ұйым мен кәсіпорындардың аумағына және шағын көшелерге бұрылатын кіреберістер арқылы бөлініп отырады.
Мұның автобус жылдамдығына әсер етуі екіталай. Осы бөлікте
Бөкейханов көшесінен өтетін көпірде автобус жолағы жобада нақты көрсетілмеген. Жол бөлігінің шетімен екі бағытта орналасатын сияқты.
Бұл жерде де BRT үзік-үзік болып, Райымбек даңғылының шеткі жолақтарымен Байзақовтан «Максима» сауда орталығына дейін созылады. Павленко көшесімен қиылысқан тұста ыңғайлы кері бұрылатын жер және жаяу жүргіншілер өткелі пайда болады.
Бірақ дәл осы жерде жүргізушілер алғашқы кедергіге тап болатын сияқты. Павленко мен Боткин көшелерінің арасындағы 50 метрлік бөлікке жеткенде батысқа жүретін автобустар оң жақ шеткі жолақтан сол жақ шеткі жолаққа ауысып, қозғалысты жолақ бөлгіштің бойымен жалғастырады. Бұл маневр қалай жасалатыны жобада көрсетілмеген. Қосымша секциясы бар бағдаршам орнатылуы мүмкін. Өйткені көлік легін басқалай кесіп өту мүмкін емес сияқты.
Гончаров көшесінің қиылысына аялдама салынады. Оған өтетін жаяу жүргіншілер өткелі және велосипед жолағы болады. Қарапайым көліктерге Крылов көшесіне дейін екі жолақ қалады. Осы бөлікте даңғылдың жоғарғы жағы да тарылады.
Розыбакиевтен Тілендиевке дейінгі аралықта BRT ортада тұрады, яғни көпір астымен және бөлгіш бойымен өтеді.
Мұнда аялдама және жаяу жүргіншілер өткелі салынады. Көлік ағынын арнайы бағдаршамдар реттейді. Бағдаршам саны көбейеді.
BRT желісі Үлкен Алматы өзенінің үстінен өтетін көпірден бастап Өтеген батыр көшесіне дейін батысқа қарай да шамамен осындай болады.
Өтеген батыр көшесінің қиылысында автобусқа арналған жолақ тағы жолдың шетіне ауысады. Онсыз да күрделі бөлікте автобус жолақ ауыстыратын болса, қозғалыс одан сайын қиындайды.
Ахрименко көшесінен «Алтын Орда» базарына дейінгі бөлік
Ахрименко көшесінен Саин көшесіне қарай жолақ тағы
Жолайрықтағы қозғалыс схемасы жобада көрсетілмеген. Жол белгісі мен таңбалары түсінікті әрі қатесіз болады деп үміттенеміз.
Момышұлы көшесіне дейін BRT жол шетімен өтеді. Өтеді деуге келмес, тек бірнеше бөлігі болады.
Яссауи көшесі маңында жолақ ұзарады.
Кері бұрылатын жарты шеңбер маңында батысқа қарай жүретін автобустар көпір астымен (жолдың шетімен) қозғалады. Шығысқа, яғни қалаға бет алған автобустар бұл жолайрықты айналып өтеді. Не үшін бұлай жасалғаны түсініксіз.
Нәтижесінде Момышұлы мен Жексенбаев көшелерінің арасындағы бөлік мынадай:
«Жібек жолы» базары маңында аса ерекше ештеңе жоқ.
Қалқаман маңында BRT қайта жол шетінде орналасады, автобустар кері бұрылатын жарты шеңбер астымен өтеді.
№ 7 қалалық аурухананың қарсы бетінде жартылай шеңберге кірер алдында жүргізушілер біраз қиналады. Бұл бөліктің жол таңбасын схемаға қарап түсіну оңай емес, ал қозғалған кезде (не кептелісте тұрғанда) тіптен қиын!
Жолақ көп, автобус жолағы бағытын өзгертіп отырады. Қысқасы, бір тұзақ тәрізді сезіледі. Дегенмен бәрі жинақы сияқты. Әшімов көшесінен Жуалыға дейінгі аралықтағы жағдай біршама түсінікті.
«Апорт» сауда орталығының алдындағы жарты шеңбердің маңында даңғылдың солтүстік бөлігімен жүріп келе жатқан автобус жарты шеңбердің оң жағына бұрылады, сол жағымен жолайрыққа кіріп, Райымбек даңғылының оңтүстігіне түседі, сол арқылы «Барлық» базарына дейін екі бағытта бірдей қозғалады. Сол жерде аялдап, кері бұрылады.
“Алтын Орда” базарының маңында автобус жолағы да, қоғамдық көлік аялдамасы да жоқ. Базардың арғы жағымен жүретін автобустарға не болатыны, олар қалай қозғалатыны, қайдан жолаушы алатыны әзірге мүлде түсініксіз.
Құрылыстың үшінші кезеңінде бұрынғы «Саяхат» автовокзалы маңындағы Пушкин көшесінен Жангелдинге дейінгі 700 метрлік бөлік бар. Автобус шағын көшелерге солға не оңға бұрылмайды. Жоба аяқталған соң жанармай бекеті клиентсіз қалатын сияқты. Өйткені оған Райымбектен тікелей кіретін жол жабылады.
Кәдімгі көліктерге арналған жолақ құжатта тұрғанымен, оның басталатын да, аяқталатын да жері жоқ.
Түйін
Райымбек даңғылындағы автобус қозғалысын жеделдету қажет, бірақ мұндай тәсілмен жүзеге асыру дұрыс болмады. Бұл үшін даңғылды толығымен өзгерту керек. Жаяу жүргіншілер аймағы мен веложолақ жасап қана қоймай, оны кеңейтіп, жаңартып, пайдаланушылардың мүддесін ескеру қажет еді. Иә, бұл көп уақыт пен қаржыны талап етеді. Бірақ қала тұрғындары мен қонақтарына ыңғайлы, пайдалы жоба жасалар еді.
BRT проблеманы шешпек түгіл, оны одан сайын ушықтырады. Бұл тек автобус жүргізушілері үшін емес, басқа көлік иелері үшін де қиындық туғызады. Қоғамдық көлік аз уақыт жылдам қозғалуы мүмкін, алайда Райымбек бойында ыңғайсыз жерлер көбейеді. Кептеліс ұзарады, жолаушылардың жүйкесі жұқарады, Алматының ауасы бұдан жақсара қоймасы анық.
Комментариев: 0