Sputnik.kz берген ақпаратқа сүйенсек, жетінші сериялы BMW мен Toyota Corolla қатысқан жол апаты Назарбаев пен Бөгенбай батыр қиылысында болды. Алдын ала мәлімет бойынша, «Королла» солтүстікке, ал BMW батысқа қарай қозғалып бара жатқан. Жүргізушілердің бірі бағдаршамның қызыл түсіне өтіп кеткен сияқты, бірақ оқиғаның нақты себебін полицейлер анықтайды.
Қатты соққыдан BMW жол жиегіне шығып кетеді, ол алдымен ағашқа, артынша жарнама бағанасына соғылған. Соққының қатты болғаны соншалық, машина бүктеліп қалды. Көлік ішіндегілерді құтқарушылар шығарған.
BMW рөліндегі ер адам оқиға орнында жан тапсырды. Салондағы үш жолаушы мен Corolla-дағы бір адам ауруханаға жеткізілді.
Комментариев: 0