Автобуспен жарысқандар 9 қыркүйекте Тимирязев пен Байзақов қиылысында көзге түсті. Желіде жарияланған видео кадрларынан халық арасында «гормошка» аталатын автобустың артынан қысқалау қоғамдық көліктің ұшып бара жатқаны байқалады. Қиылысқа жете бергенде ол алдыңғысын басып озбақ болып, жолақ ауыстырған сәтте өзімен қатар келе жатқан Toyota FJ Cruiser-ді іліп кете жаздайды. Абырой болғанда, жол талғамайтын көліктің жүргізушісі дер кезінде рөлді бұрып үлгерді.
Жазба осы сәттен үзіліп, кешегі жарыста кім жеңгенін біле алмадық. Дегенмен полицейлер екі жүргізушіні де тауып, «марапаттайды» деп сенеміз. BRT бойында камера көп, сондықтан шабандозды табу қиынға соқпасы анық.
Комментариев: 0