Мегаполисте 16 тамызда күшіне енген жаңа ережеге сәйкес автомобильді айыптұраққа жеткізу және сақтау қызметі ақылы болуға тиіс еді. Бірақ шенділердің жоспары іске аспады. Kolesa.kz редакциясына «Алматы паркинг» хабарлағандай, мәслихат эвакуация мен арнайы жерге орналастыру тарифтерін әлі бекітпепті. Сол себепті қазір шаһардағы бүкіл айыптұрақ тегін.
Компания өкілдері депутаттар тарифті осы айдың аяғы мен қыркүйектің басында қарайтынын айтты.
Биыл сәуірде Астанадағы айыптұрақтар ақылы режимге көшкен. Арнайы орынға техника жеткізу құны 3 АЕК (12 975 теңге). Ал сақтау ақысы мынадай:
- мототранспорт — тәулігіне 1 АЕК;
- трицикл және квадроцикл — бірінші тәулік 1.5 АЕК, одан кейін күніне 3 АЕК;
- жеңіл көлік — 3 АЕК және 5 АЕК;
- салмағы 3.5 тоннадан аспайтын жеңіл жүк көлігі — 5 АЕК және 7 АЕК;
- салмағы 0.75 тоннаға дейінгі тіркеме — 2 АЕК және 4 АЕК;
- салмағы 0.75-тен 3.5 тоннаға дейінгі тіркеме — 5 АЕК және 7 АЕК.
Комментариев: 0