Қала мәслихаты Астанада жол қозғалысын ұйымдастыру ережесін (Жол ережесімен реттелмеген бөлікте) бекітті. Құжатқа сәйкес 20 сәуірден бастап тұрақ ережесін бұзған көлікті айыптұрақта уақытша сақтау ақылы болады. Жол апатына түскен немесе басқа себеппен ұсталған машинаның жүргізушісі төлемнен босатылады.
Қызмет құны қанша
Айыптұраққа жеткізу — 3 АЕК (2026 жылы 12 975 теңге). Көлікті дұрыс қоймаған жүргізуші эвакуация басталғанға дейін келсе, төлемейді. Полиция машинаны эвакуаторға тиеп қойса, 50 %-ын өтейді.
Арнайы тұрақта көлік сақтау тарифі мынадай:
- мотокөлік — тәулігіне 1 АЕК;
- трицикл және квадроцикл — алғашқы тәулікте 1.5 АЕК, одан кейін 3 АЕК;
- жеңіл көлік — 3 АЕК және одан кейін 5 АЕК;
- салмағы 3.5 тоннадан аспайтын жеңіл жүк көлігі — 5 АЕК және 7 АЕК;
- салмағы 0.75 тоннадан аспайтын тіркеме — 2 АЕК және 4 АЕК;
- салмағы 0.75-3.5 тонна тіркеме — 5 АЕК және 7 АЕК.
Микроавтобус тізімде жоқ, сондықтан ол автобус пен үлкен жүк көлігі сияқты айыптұраққа кетпейді.
Сақтау ақысы тұраққа кірген сәттен бастап сағаттап есептеледі. Мысалы, жеңіл көлік иесі алғашқы тәулік (әр сағат үшін) 540.6 теңге, яғни 8 сағатқа 4324.8 теңге төлейді. Келесі тәуліктің әр сағаты 901 теңге болады. Минут бір сағатқа жетпесе, есепке алынбайды.
Ережеде тағы не жазылған
12 шілдеден бастап Астана аумағында ақылы тұрақтың тарифі мынадай болады:
1-аймақ (сұраныс жоғары тұрақ) — көлік қоятын орын аз, бірақ техника көп жүретін, тұрақ аса қажет қала аумағы, мұнда автомобильді қалдыру жолдың өткізу мүмкіндігіне, қауіпсіздікке тікелей әсер етеді, сол себепті ақысы да жоғары болады.
2-аймақ (сұраныс орташа тұрақ) — көлік қоюға сұраныс ауық-ауық өзгеріп тұратын қала аймағы, ол әдетте ондағы құрылыс объектілерінің аралас функциясына байланысты, сондықтан мұндай тұрақтың ақысы да орташа мөлшерде болады.
3-аймақ (сұраныс төмен тұрақ) — көлік қоятын орындары көп әрі сұраныс жоқ қала аумағы, мұндай жерде шектеулі уақытқа ғана көлік қоюға рұқсат беріледі, сол үшін ақысы біршама төмен.
Ақылы тұрақ тарифтері
| 1-аймақ | 200 тг/сағ |
| 2-аймақ | 150 тг/сағ |
| 3-аймақ | 100 тг/сағ |
Паркингтің шекарасын жауапты мекемелер 12 шілдеге дейін шегендеуге тиіс. Оған дейін жол жиегіне көлігін қалдырған әр тұрғыннан сағатына 100 тг алады.
Тұрғын үй не коммерциялық орынжай иесі Көлік қозғалысын ұйымдастыру орталығының
Алматының шет аудандарына ақылы паркинг жасауды көздеп отырған компаниялар елорданың тәжірибесіне назар аударғаны жөн.
Құжатта қорғаныш конструкциялары мен реттеуші элементтер (шлагбаум не басқа кедергі) орнату, сонымен қатар мына көлік түрлерін әкімдік бекіткен және белгі/таңба тұрған орындардан басқа жерге қоюға тыйым салу туралы да жазылған:
- қала инфрақұрылымының объектілерін
күтіп-ұстау, тазалау не жөндеу қызметін атқарып жүрген коммуналдық қызмет машиналарынан басқа, рұқсат етілген шекті салмағы 3.5 тоннадан асатын жүк көліктері; - электросамокат, электрлі моторы бар велосипед және шағын электрлі көлік құралдары.
Комментариев: 0