Тәртіп сақшылары 28 тамызда эксперимент ретінде самокат жүргізіп көрді. Мегаполистің полиция департаменті хабарлағандай, электросамокат пайдалану ережесін бақылауға арналған ауқымды рейдке кикшеринг компанияларының самокатын мінген 50 полицей шықты.
Департамент алғашқы тәжірибе тиімділігін дәлелдегенін және қазір полиция самокат қолдану туралы келіссөз жүргізіп жатқанын хабарлады. Жаңа формат тәртіп сақшыларына жедел әрекет етуге, халық қарасы көп және көлік бара алмайтын орындарда жұмыс істеуге, профилактикалық шаралар жүргізуге мүмкіндік береді.
Бұған дейін Әкімшілік полиция комитетінің басшысы самокат жалға беруші компанияларды жауапқа тартамыз деп уәде еткен, себебі техника тым жылдам жүреді, ал оны қоятын тұрақ әлі жоқ.
Комментариев: 0