Оқиға 4 маусым күні Қарасай ауданы маңында Алматы — Бішкек тас жолының 36-шақырымында болған. Облыстық ПД баспасөз қызметі хабарлағандай, Шығыс бағытта жүріп бара жатқан Mitsubishi Galant «Маздаға» соғылған, соққыдан қарсы бетке шығып кеткен жеңіл көлік аударылып, Yutong автобусының астына түсіпті.
Фотосуреттен «Галант» бөлініп қалғанын көруге болады. Жол апатынан 24 жастағы жүргізуші жарақат алды. Ол Қаскелең ауруханасына жеткізілді. Ал Mazda мен автобуста отырған адамдарға қатысты мәлімет жоқ.
Полицейлер жол апатына қатысты Әкімшілік кодекстің 610-бабы 2-бөлігі бойынша хаттама толтырды. Материалдық шығын мен адам денсаулығына зиян келтірген жол апатына кінәлі азаматқа 40 АЕК мөлшерінде айыппұл салынады немесе ол 9 айға дейін көлік жүргізу құқығынан айырылады.
Комментариев: 0