Оқиға 26 қаңтар күні Астанаға баратын тас жолдың 255-шақырымында болды. Отыз бір жастағы жүргізуші тіркемесі бар КамАЗ-ды тізгіндеп келе жатып алдындағы Toyota Camry-ге соғылған. Жол тайғақ болғандықтан ырыққа көнбеген ауыр техника тағы үш жүк көлігі мен үш жеңіл машинаны іліп кетіпті. Арасында жедел жәрдем бар екен.
Ақмола облысының Полиция департамені берген мәліметке сүйенсек, салдарынан екі жолаушы мен КамАЗ рөліндегі азамат жарақат алған, оларды дәрігерлер ауруханаға жеткізді.
Қазақстанның әр аймағында қыс қаһарын көрсетіп, ақ түтек боран соғып жатыр. Кейде күн сәл ашылғандай көрінгенмен, қайта қар басып қалады. Әсіресе, солтүстік пен шығыста жағдай қиын. Жол мамандары мен құтқарушылар халыққа қайда қай трасса жабылғаны туралы хабарламаларды жібермей оқып, аса қажет болмаса алыс жолға шықпауға кеңес берді. Өйткені күн күрт бұзылуы мүмкін.
Комментариев: 0