Алматы облысында ірі жол апаты болды

Жамбыл ауданына қарасты Үңгіртас ауылына жақын жерде сегіз көлік қатысқан апат болды. ІІМ оқиғаға қатысты нақты мәлімет бермеді, дегенмен бұған ауа райы ықпал еткен сияқты. Өйткені ақпанның 7-сінен 8-іне қараған түні жолды қалың тұман басқан.

Апат 34 жастағы Mercedes-Benz E-Class жүргізушісінің өмірін қиды, үш адам жарақат алды. Оларды дәрігерлер Ұзынағаш ауылындағы ауруханаға жеткізген.

Жол апаты фактісі бойынша Қылмыстық кодекстің 345-бабына сәйкес іс қозғалды. Кінәлі деп танылған азамат бес жылға дейін бас бостандығынан айырылуы мүмкін.

7 ақпан күні кешке Қорғасқа баратын жолдарды қоса алғанда, Алматы облысындағы бірнеше трасса жабылды.