Алдағы уақытта Алматы мен Қарағанды арасындағы жол ақылы болады. Үкімет отырысынан кейінгі брифингте сөз сөйлеген көлік министрі Марат Қарабаев жөндеу жұмыстары аяқталып, қажетті жабдықтар орнатылғаннан кейін, яғни 2025 жылдан бастап жеңіл көліктерден жол ақысы алынатынын айтты.
— Жеңіл көлік, азаматтар үшін Алматыдан Қарағандыға дейінгі жол келесі жылы жасалып бітеді деп ойлаймын. Бұл жол жеңіл көліктер үшін де ақылы болады. Камера орнату және жүйені енгізу қажет екенін ескере отырып, менің ойымша 2025 жылға қарай ақылы бола бастайды, — деді шенеунік.
Министр сонымен қатар жаңа ақылы жолдармен жүру тарифі өзгеруі мүмкін екенін атап өтті. Тариф өсетіні анық, бірақ нақты қашан және қаншаға өсетінін Қарабаев нақтылаған жоқ.
2023 жылы 11 айда республикалық маңызы бар Астана — Теміртау, Астана — Щучинск, Алматы — Қапшағай және Алматы — Қорғас автожолдарының төрт ірі ақылы бөлігі қазынаға 26.5 млрд теңге қосты.
Комментариев: 0