Бір апта бұрын радиатор торы үлкен, негізгі оптикасы қос қабатты люкстік паркетниктің жарнамалық ролигінің кадрлары жарияланды. Компания мамандары бұған қатысты еш пікір білдірмеді, бірақ бұл жолғы суреттер Genesis GV80-нің камуфляждағы бұрынғы суреттеріне ұқсас, сол себепті олар шынайы болуы керек.
Бірнеше күн өтісімен Біріккен Араб Әмірлігінде белгісіз бір адам тестілік көлікке жақын барып, алдыңғы панелін камераға түсіріп алған. Сөйтіп автокөліктің шабақсыз рөл дөңгелегін, жылжымалы мультимедиалық экранды иеленгені және автоматты трансмиссия джойстигінің орнына соңғы Land Rover-дегідей шайба орнатылғаны анықталды.
Автокөлік екінші буындағы G80 негізінде жасалғандықтан, құрылымында седанға тән дүниелер аз емес. Сондықтан моторлар топтамасын 370 ат күші мен 509 Нм айналу сәтін беретін екі турбинасы бар 3.3 литрлік V6 сынды таныс агрегаттар құрайды. Толық көлемді Genesis GV80 кроссоверінің таныстырылымы келесі жылдың басында өтеді деп күтілуде.
Комментариев: 0