Әлемдегі ең баяу Ferrari өтпей жатыр

Bring a Trailer онлайн аукционы ерекше Ferrari купесінің саудасын аяқтады. F12berlinetta Mulotipo MP4 — компания экстремалды F12tdf-ті дайындауға пайдаланған прототип. Сатып алушылар жалпыға ортақ жолда жүруге рұқсаты жоқ Ferrari үшін жарты млн долларға жуық ақша ұсынды, бірақ иесі бұл сомаға келіспеді.

Ferrari экстремалды F12tdf атауын Tour de France жарысының құрметіне қойған. Ол түпнұсқа F12berlinetta моделінен жаңарған шасси және аэродинамикасы жақсарған шанағымен ерекшеленді. Оның 800 данасы ғана шыққан.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Mulotipo M4 стандарт F12-нің агрегатын сынауға пайдаланылған сияқты. Оның 20 дюймдік дөңгелек дискісі карбон-керамика тежеуішпен, ал салоны былғары кресломен жабдықталған. Прототип екенін ортаңғы тоннельдегі стандартқа сай емес қосқышқа қарап білуге болады.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Суперкар 7 сатылы роботпен жұмыс істейтін 6.3 литрлік V12 мотормен жүреді. Сериялы F12tdf-те ол 780 ат күшіне ие (стандарт нұсқадан 40 күш көп), бірақ прототиптің қозғалтқыш қуаты белгісіз, тек ең жоғары жылдамдығы сағатына 25 км-ге шектелгені белгілі, демек Mulotipo MP4 әлемдегі ең баяу Ferrari. Машина АҚШ-қа жеткізіліп, демокар ретінде қызмет еткен.

Суперкарды сатып алған адам оны жүргізе алмайды, тіпті есепке қоюға да болмайды. Бірақ прототипке коллекционерлер қызығып отырғаны анық.