Полиция алаяқтардың жаңа айласы туралы ескертті. Ұялы телефонға ресми мемлекеттік байланыс орталығына ұқсас жалған нөмірден SMS хабарлама келіп жатыр. Хабарламада жүргізушіге айыппұл салынды және оны тексеру немесе төлеу үшін сілтеме арқылы өту керек деп жазылады. Сайт мемлекеттік порталға ұқсайды, бірақ ол жалған.
Алаяқтар eGov сайтына ұқсас интерфейс жасаған. Онда кез келген көлік нөмірін немесе ЖСН енгізсеңіз, автоматты түрде айыппұл бар деген ақпарат шығады. «Төлеу» батырмасын басқанда, сайт банк картасының деректерін сұрайды. Мәлімет алаяқтардың қолына түскен сәтте, олар қаражатыңызды заңсыз шешіп алуы мүмкін. Деректі қате жазсаңыз да, жүйе айыппұл бар деп көрсетсе, алаяқтық схема деген сөз. Бұл — халықты шатастырып, тез арада төлем жасауға итермелейтін психологиялық әдіс.
ЕСТЕ САҚТАҢЫЗ: мемлекеттік органдар SMS арқылы жеке немесе банк дерегін енгізуді талап етпейді. Ресми айыппұлды тек сенімді платформаларда тексеру қажет. Мысалы: eGov.kz порталындағы жеке кабинетте, әкімшілік іс жүргізудің бірыңғай тізілімінде, eGov немесе екінші деңгейлі банктердің қосымшасында. Сілтемені мұқият тексеріңіз және күмәндәнсаңыз, ол арқылы өтпеңіз.
Әрдайым ақпаратты қайта тексеріңіз!
Комментариев: 0