Грекия билігі шлем киюге мәжбүрлеудің ерекше тәсілін ойлап тапты. Жергілікті жүргізушілер ережені елемейді, бұл ауыр жарақатқа әкеледі. Сондықтан үкімет ереже бұзған байкерге бензин сатуға тыйым салатын заңға түзету енгізуді қарастырып жатыр.
Бұл идеяның авторы — Грекияның денсаулық сақтау министрі Адонис Георгиадис, ол жағдай күннен күнге ушығып барады деп санайды. Ережені елемеу ауыр жарақат пен өлімге әкеледі. Ол жанармай бекеттерінің иелерін отын сатпауға міндеттеуді ұсынды, бұл әдіс байкерлердің көзқарасын өзгертуге әсер етеді деп үміттенеді. Ереже бұзған бекет айыппұл төлеуі керек.
Грекия азаматтарын қорғау министрі Такис Теодорикакос заң жобасын дайындап, парламенттің қарауына ұсынатынын мәлімдеді.
Жанармай сататын жергілікті қауымдастық бұл бастаманы сынға алды. Саудагерлер айыппұлға наразы, билік жауапкершілікті өздеріне жүктеп қойғанын құптамайды. Өйткені шлем кимегендерді жол полициясы бақылауға тиіс.
Комментариев: 0