Айыппұл төлемегендер құрықталуда

«Ұмытшақ азаматтардың» көліктері айып тұрағына жіберіледі.

Алматы қалалық Әділет департаменті жеке сот орындаушыларының аймақтық палатасы, прокуратура және полицейлермен бірге «Борышкер» шұғыл профилактикалық шарасын өткізуде. Жолда борышкерлерді ұстау үшін олар көлікті мемлекеттік нөмірі арқылы анықтайтын «Крис-П» және «Поток-М» мобильді кешендерін қолданады. Айыппұлдан жалтарғандардың темір тұлпары айып тұрағына жіберіліп, қарыз төленбейінше иесіне қайтарылмайды.

Естеріңізге сала кетейік, жүргізушілер мемлекет алдында қарызының бар-жоғын kolesa.kz мобильді қосымшасы арқылы біле алады. Ол үшін қосымшаны смартфонға орнатып, «Айыппұлдар» бөліміне өту қажет. Содан кейін ЖСН немесе БСН енгізіп, «Тексеру» батырмасын басу керек. Егер мемлекет алдында қарызыңыз бар болса, оны бірден төлеуге болады.

Комментариев: 0

Чтобы оставить комментарий, вам необходимо зарегистрироваться или авторизоваться.