21 сәуір Алматыда бірнеше көше жабылады

Жексенбі, 21 сәуірде Алматыда жартылай марафон өтеді. Шараға байланысты қаланың кей бөлігінде көлік қозғалысы шектеледі. Атап айтқанда, Әл-Фараби даңғылының солтүстік (төменгі) және оңтүстік (жоғарғы) жағы, Саин көшесі мен Абай даңғылы шығыс бағытта және Сейфуллин даңғылының бір бөлігі уақытша жабылады.

Көлік қозғалысын шектеу жоспары:

• Әл-Фарабидің Мұстафиннен Науаиға дейінгі солтүстік бөлігі 21 сәуір сағат 00:00-ден 11:00-ге дейін жабық. Оңтүстік жағы ашық болады.
• Әл-Фарабидің Мұстафиннен Назарбаевқа дейінгі солтүстік бөлігі сағат 6:45-тен 9:10-ға дейін жабық. Оңтүстік жағы ашық болады.
• Сейфуллиннің Әл-Фарабиден Абайға дейінгі бөлігі сағат 7:10-нан 8:30-ға дейін толық жабылады.
• Абайдың Саиннан Байтұрсыновқа дейінгі оңтүстік бөлігі сағат 8:10-нан 10:40-қа дейін жабық. Солтүстік жағы ашық болады.
• Абайдың Сейфуллиннен Байтұрсыновқа дейінгі оңтүстік бөлігі сағат 7:20-дан 9:00-ге дейін жабық. Солтүстік жағы ашық болады.
• Саинның Әл-Фарабиден Абайға дейінгі шығыс бөлігі сағат 8:00-ден 9:40-қа дейін жабық. Батыс жағы ашық болады.