2026 жылы көлік сатқандар қанша салық төлейді

Көлік салығының жаңа мөлшерлемесі биыл 1 қаңтарда қолданысқа енді. Машинаның шыққан жылына байланысты 30–50 % жеңілдік бар, қозғалтқыш көлемі үлкен көлікке арналған мөлшерлеме төмендеді және сән-салтанат салығы пайда болды. Оны мына мақалада толық талдадық. Бірақ қай мөлшерлемемен және қашан төлеу керек деген сұрақ туындайды. Анықтайық.

Көлік салығы қалай есептеледі

Машинаның иесі былтырғы салығын төлемей тұрып биыл оны сатпақ болса, 2025 жылғы салықпен қоса, көлік өткенге дейін жиналған қарыздан да құтылуы керек. 2025 жылғы салықты 2026 жылдың 1 сәуіріне дейін ескі мөлшерлемемен төлейді. 2026 жылы иелік еткен мерзімі үшін жаңа Салық кодексіне сәйкес 2027 жылғы 1 сәуірге дейін есеп айырысады. Яғни төлемді екі кезеңге бөлуге мүмкіндік бар.

Екі жылдың салығын бірден төлеуге болады. Ең бастысы, соманы дұрыс жазу керек, себебі көлік иесі оны өзі есептейді. Толық төленбесе, құзырлы орган алдымен қарызды белгіленген мерзімде өтеуді талап етеді, содан кейін өсімпұл қосып, шектеу қояды. Қазір банк қосымшаларынан берешегіңіз бар-жоғын да, сомасын да көре аласыз, сондықтан барынша мұқият болған жөн.

Сән-салтанат акцизін кім және қашан төлейді

Билік биыл құны 18 000 АЕК-ке (77 850 000 теңге) тең және одан жоғары көлікке 10 % акциз салады. Сатушы акцизден босатылады, ал сатып алған кісі сауда жасалған айдан кейінгі айдың 20-сына дейін төлеуге тиіс. Мысалы, наурызда қымбат автомобиль алсаңыз, ақшаны 20 сәуірге дейін мемлекет қазынасына құясыз.