Жол апаты 6 шілдеде 00:10 шамасында Алматы — Жандосов — Бесмойнақ (жоғарғы Қаскелең тас жолы) автожолының 25-шақырымында болды. Toyota Land Cruiser 100 көлігін тізгіндеген азамат қарсы бетке шығып кетіп, Toyota Avensis-ке бетпе-бет соғылған. Апаттан 23 жастағы «Авенсис» жүргізушісі мен оның жүкті келіншегі ажал құшты.
Алматы облысы ПД баспасөз қызметі 18 жастағы крузак рөліндегі жігіттің атына Қылмыстық кодекстің 345-бабының 4-бөлігі бойынша іс қозғалғанын хабарлады. Тиісті сараптама тағайындалды, соның нәтижесі бойынша шешім қабылданады. Апатқа кінәлі азамат екі айға қамауға алынды. Ол жеті жылға дейін жүргізуші куәлігінен айырылып, 10 жылға темір торға қамалуы мүмкін.
Комментариев: 0