100 млн теңге тұратын Mercedes-Benz 300 SEL

Алғашқы ресми S-Class-тың (W116) ізашары саналатын W108 және W109 индексті модель 1965–1972 жылдары жарық көрді. Сол кезде Штутгарттағы зауыт 383 мыңнан аса автомобиль құрастырған. Демек бұл модельді сирек кездеседі деуге келмейді. Бірақ осы топтаманың бір түрленімі шынымен ерекше саналады. Ол — атауында 6.3 қосымшасы бар Mercedes-Benz 300 SEL. Бұл қосымша машинаның 6.3 литрлік V8 (M100) моторымен жүретінін білдіреді.

1 / 5

• 
• 
• 
• 
• 

Стандарт емес дөңгелек дискісі ретро седанның көркін қашырып тұр

1 / 5

Марка көлікті алғаш рет 1968 жылы наурызда Женева автосалонында таныстырған. Ол 1972 жылға дейін жарық көрді. Бес жылда небәрі 6526 данасы шыққан, соның бірі Kolesa.kz-те сатылып жатыр. Неміс классикасын сатып алу үшін 100 млн теңге төлеу қажет.

Хабарландыру авторы оның нағыз коллекциялық экземпляр екенін жазыпты. Өйткені машина түпнұсқа шанағын сақтаған, салоны өте жақсы жағдайда, пневмоаспасы толық жұмыс істеп тұр, электр жүйесінде ақау жоқ әрі жүрген жолы шынайы көрсетілген. 1968 жылдан бері бұл 300 SEL небәрі 27 мың шақырым жүрген.

1 / 3

• 
• 
• 

1 / 3

— Сыртқы көрінісі мінсіз, хромы жарқырап тұр, қозғалтқышы бірқалыпты әрі қуатты жұмыс істейді, беріліс қорабы жұмсақ ауысады. Көрмеге қоюға, жүргізуге және коллекцияға қосуға дайын, — деп жазды W109 иесі.

300 SEL 6.3-тің күштік құрылымы Mercedes-Benz 600 (W100) лимузинімен бірдей. Агрегат 250 ат күші мен 588 Нм момент береді. Модель алғашқы жүздікті 6.6 секундта еңсереді, ең жоғары жылдамдығы — 220 км/сағ. Ол 1960 жылдардағы ең жылдым седандардың бірі болған.