Жол қозғалысын реттеушілер Алматы мен Астанада, негізінен қарбалас сәттерде пайда болады да, көп жүргізушінің зәресін алады. Олар жүруге рұқсат берілгеннен кейін де тоқтау сызығында тұрып қалады, не болмаса жол қиылысына шығып кетеді, бірақ бұлай істеуге болмайды. Мұндай әрекет қарапайым жол ережелерін білмеу ме, не ұмытшақтық па — бұл енді басқа сұрақ. Қандай жағдай болмасын, еске түсіріп көрейікші.
ҚР ЖҚЕ-нің бесінші бөлімі, оныншы тармағына сәйкес реттеушінің белгілері ретінде оның дене қалпы мен ишараттары, оның ішінде тек ЖҚЕ-нің мәтіні мен суреттерде қалған жезл көмегімен көрсеткен ишараттары есептеледі.
Реттеушінің сигналдары жол белгілерінің де, бағдаршамның да алдында басымдыққа ие. Мұны есте сақтау маңызды.
Реттеуші қолын жоғары көтерді
Барлық көлік құралдары мен жаяу жүргіншілердің барлық бағытта қозғалуына тыйым салынады, бірақ айрықша жағдайлар бар. Егер жүргізушілер шұғыл тежелусіз тоқтай алмайтын болса, ал жаяу жүргіншілер жолдың жүру бөлігіне шығып кеткен болса, онда жолдан өту әрекетін аяқтауға тиіс.
Қолдары екі жаққа созылған немесе төмен түсірілген
Бұл ишарат жағдайында реттеушінің қолдарының ғана емес, денесінің де қалпы маңызды болып табылады. Егер ол жүргізушіге не жаяу жүргіншіге арқа жағымен немесе кеудесімен тұрса, онда қозғалысқа тыйым салынады. Мұны есте сақтау қиын емес: реттеушіге қарай жүруге болмайды.
Ал егер полиция қызметкері сізге бүйірімен тұрса, онда не тік, яғни жанынан өтуге, немесе оңға қарай қозғалуға болады. Реттеуші шынтағын бүгіп, жаза бастағанда, асығыңыз. Мұндай ишаратпен ол жылдамдықты арттыруға шақырады.
Маңызды: сол жақ қиылысқа шығуға тыйым салынады. Тоқтау сызығында тұрып, реттеуші сигналын күтіңіз.
Жаяу жүргіншілерге де жолды қол мен дене бағыты бойынша кесіп өтуге рұқсат етіледі.
Оң қол алға созылған
Алдыңғы жағдайдағы сияқты, сигналдың түсініктемесінде дене қалпы маңызды рөлге ие. Мұнда келесі нұсқалар болуы мүмкін:
- сол жақ бүйір жағынан — барлық бағыттарға, соның ішінде бұрылыс жасауға да рұқсат етіледі. Егер полиция қызметкері осы сәтте сіз жаққа сол қолын бағыттап, өзіне шақырғандай болса, онда асыққан жөн. Бұл көлік қозғалысын жылдамдату үшін жасалады;
- кеуде жағынан — тек оңға жүруге рұқсат етіледі;
- оң бүйір мен арқа жағынан — қозғалысқа тыйым салынады.
Және қол мен дененің мұндай қалпында жаяу жүргіншілер тек реттеушінің арт жағынан өте алады.
P. S. Жол қозғалысын реттеушінің қимылдары анық әрі түсінікті болуға тиіс. Мысалы мына бейнежазбада полиция қызметкерінің өзін қалай ұстауына болмайтындығы көрсетілген.
Комментариев: 0