Коронавирус пандемиясына дейін Қазақстанда Қытай автоөндірушілері тек коммерциялық көлік сататын. Жеңіл автомобильдер ішінде тек JAC болды, оны Қостанайдағы зауыт мамандары құрастырды. Бір кездері FAW, Geely, MG және BYD нарыққа шыққан, бірақ қазақстандықтар құшақ жая қарсы алмады.
2020 жылы індет өршіп жатқан кезде Қытай брендтері нарықта белсенділік танытты, ал былтыр көптеп шыға бастады. Қазіргі таңда олардың жалпы саны жүк көлігі мен автобусты есептемегенде
Бұл нарықты зерттеу емес, көзге түсетін шоурум ашып, ресми түрде нарықты жаулап алу. Елде Қытайдан жекелеген каналдар арқылы кірген маркалар да аз емес, бірақ бұл туралы басқа мақалада айтамыз. Былтыр Қазақстанның ресми нарығына қандай брендтер келгенін және сауда нәтижелеріне қарай дебюті қаншалықты сәтті болғанын қорытындылаймыз.
Jetour
Былтыр жаңа брендтер ішінде Chery концерніне тиесілі Jetour Қазақстанда өзін жақсы көрсетті. Компания ресми түрде былтыр наурыздың аяғында X70, X90 және Dashing сияқты бірнеше топтамамен келді. Барлығы Қостанайдағы «СарыарқаАвтоПром» зауытында ірі торапты әдіспен шығады.
Қытай компанияларына қатысты трендті атап өтейік. Бір ірі өндірушінің бірнеше суббренді бар, Қазақстандағы әр дистрибьютор бір-бірден алып алған және әртүрлі зауытта құрастырмақшы. Бас компания Chery-дің машиналары «Астана Моторстың» қол астында, ал жаңа Jetour суббренді «Аллюрға» тиесілі. Премиум Exeed Orbis Auto-ның иелігінде, 2026 жылы осы көліктерді өндіруге дайындалып жатыр. Сонымен қатар «Астерге» өткен Omoda да бар.
Қазақстанға жаңадан келген «Джетур» бренді мамыр айында саудалана бастады, сол кезде дилерлер 27 дана X70 өткізді. Тамызға дейін автосалондар айына
Жалпы алғанда жарты жылда Jetour Қостанайда шығатын көршісі JAC-ты ай сайынғы сату нәтижелері бойынша қуып жетті.
Былтыр Jetour 3930 автомобиль сатты, соның арқасында үздіктер арасында тоғызыншы орынды иеленді. 1.5 литрлік турбомоторы бар, құны 10.5 миллион теңгеден басталатын X70 кроссовері тұтынушылардың көңілінен шықты.
| Орын | Модель | 2023 жылғы сауда |
| 1 | Jetour X70 | 1169 |
| 2 | Jetour X70 Plus | 1119 |
| 3 | Jetour X90 Plus | 1029 |
| 4 | Jetour Dashing | 613 |
Omoda
Jetour сияқты Omoda да Chery концернінің суббренді. Компанияның Қазақстандағы топтамасы екі модельден тұрады:
Қазақстанда Omoda былтыр тамыздан бастап ресми нарыққа шықты. Алғашқы бір айда автосалондар 160 C5 кроссоверін сатты. Бренд үшін ең жақсы ай қараша болды, 451 көлік (222 кроссовер және 229 седан) иесін тапты, 2023 жылды 1385 машина сатып аяқтады.
| Орын | Модель | 2023 жылғы сауда |
| 1 | Omoda C5 | 820 |
| 2 | Omoda S5 | 565 |
«Омода» нарыққа ерекше шыққанын айтып өту керек. Тұсаукесерді футуристік стильде жасаған ұйымдастырушылар кеш қонақтарына дәл сондай киім киюді ұсынды. Кеште сән көрсетілімі және Boston
Tank
Great Wall Motors концернінің бренді Қазақстан нарығына кіру жоспарын 2022 жылы жария еткен болатын, бірақ «танкілер» Қазақстанға былтыр мамырда ғана келіп, рамалы құрылымы, 2 литрлік турбоқозғалтқышы және бұғаттаудың толық жиынтығы бар 300 моделіне алдын ала тапсырыс ашты. Бірнеше апта ішінде марка клиенттерге 25 автомобиль жеткізді, ал жылдың аяғында 600-ден астам ресми «үш жүздік» шықты.
Шілдеде топтамаға 500 индексті үлкенірек жол талғамайтын көлік қосылды, оның 411 данасы қалған айларда сатылды. 2023 жылы желтоқсанда автосалондар алғаш рет
| Орын | Модель | 2023 жылғы сауда |
| 1 | Tank 300 | 604 |
| 2 | Tank 500 | 411 |
GAC
GAC немесе Guangzhou Automobile Group жерлестерімен салыстырғанда Қазақстанға кеш келді. Бренд көліктерін тамыздың аяғында сата бастады, ал GS5 және GS8 кроссоверін адамдар қарашада ғана сатып алды, автомобильдерге сұраныс көп деп айтуға келмейді. Жалпы
| Орын | Модель | 2023 жылғы сауда |
| 1 | GAC GS5 | 74 |
| 2 | GAC GS8 | 54 |
Hongqi
Қазақстандағы клиенттер үшін таласқа түскісі келген тағы бір бренд — FAW концерніне тиесілі Hongqi. Компанияның тарихы мен бұрыннан қалыптасқан мәртебесі бар, бренд коммунистік партия басшыларына арналған лимузиндер шығаратын.
Hongqi тамызда Қазақстанға екі седан мен екі кроссоверден тұратын топтамасымен келді, оның біреуі үздік электромобиль. Қазақстан тұрғындары бұрын бейресми кірген көлікке жақсы баға берген.
Брендтің ең бюджеттік моделі — H5 седаны, қарапайым нұсқасы 19 миллион теңге тұрады. Класы мен бағасы бойынша Camry-ге ұқсастығына қарамастан, Hongqi-дің ең танымал моделі емес. Былтыр қыркүйектен желтоқсанға дейін автосалондар H5-тің 22 данасын сатқан. Сәл қымбат HS5 кроссоверін 55 адам сатып алыпты.
Қымбат E-HS9 электромобилі көп сатылмаса да, өз клиентін тапты. 551 ат күшін беретін электрлі моторы және 510 шақырымға жететін 120 киловаттық батареясы бар, құны 60 миллион теңге болатын көліктің жеті данасы сатылыпты. H9 люкс гибрид седанын тек алты адам таңдады.
Басқаша айтқанда, бұл сегментте Mercedes-ке әлі бәсекелес бола алған жоқ. Былтыр Қазақстанда 600 көлік сатқан
| Орын | Модель | 2023 жылғы сауда |
| 1 | Hongqi HS5 | 55 |
| 2 | Hongqi H5 | 22 |
| 3 | Hongqi E-HS9 | 7 |
| 4 | Hongqi H9 | 6 |
Zeekr
Электромобиль туралы сөз қозғалғандықтан, Zeekr-ді де ұмытпау керек. Geely-дің қол астындағы жас бренд елге бейресми түрде келіп, нарықты жаулап алды, содан кейін ресми нарыққа шықты. Қазақстанда 001 және X электромобильдеріне алдын ала тапсырыс қарашада ғана қабылдана бастады, бірақ
Ресми Zeekr бейресми түріне қарағанда айтарлықтай қымбат, ал соңғысының жабдықтар тізімі өте ауқымды. Бірақ жеке компаниялар арқылы келетін көлікті сатып алудың ерекшеліктері бар.
| Орын | Модель | 2023 жылғы сауда |
| 1 | Zeekr 001 | 28 |
| 2 | Zeekr X | 7 |
Түрлі қиындыққа қарамастан, брендті Қазақстан халқы жылы қарсы алды. Дәл осы «зикрдің» жанкүйерлері көп болды. Иелері мен жай ғана әуесқойлар клуб құрып, кездесулер ұйымдастырады, көліктен алған әсерін айтады және мәселе шешуге кеңес береді.
Былтыр жеке сатушылар Қазақстанға қанша Zeekr әкелгені әзірге белгісіз, бірақ санын анықтау оңай. «Шымбұлақ» таушаңғы курортына кіруге арналған рұқса тізімнің өзінде, яғни алматылықтар мен облыс тұрғындарының арасында 1700-ден астам «зикр» бар.
Статистикаға сүйенсек, Қазақстанда электромобильдер арасында (қытайлық қана емес) әзірге мұндай жақсы көрсеткіш жоқ.
Kaiyi, Jaecoo және BYD
Былтыр Қазақстан нарығына шығу жоспарын жариялаған компаниялардың барлығы саудаға кірісе алмады. Мысалы: Jaecoo кроссоверлері автосалонға жақын арада шығатынын көктемде білдік, бірақ бренд өкілдері машиналарды биыл қаңтарда ғана сата бастады. Бұған дейін Қазақстанда Kaiyi (Chery-ге тиесілі) моделі сертификат алды, бірақ әлі саудаға шықпады.
BYD де дәл осындай жағдайда. Компания Қазақстан нарығына шығатынын қазан айының ортасында жариялағанмен, жергілікті серіктестері шара 2024 жылдың басына жоспарланғанын нақты айтты. BYD біздің нарыққа Han электромобилімен кіріп, тағы бірнеше модель қосуды көздеп отыр.
Қытай брендтерінің жалпы жағдайы қалай
Қытай автоөндірушілері Қазақстанда танымал брендтердің сауда деңгейіне жету үшін біраз бар. Мысалы: былтыр Қытай автомобиль өнеркәсібінің үздік өкілі 12 229 көлік шығарған Chery бренді болды, бұл оған рейтингте төртінші орынға көтерілуге мүмкіндік берді. Дегенмен нағыз көшбасшы Hyundai мен Chevrolet. Олар 46 725 және 45 807 көлік сатқан. Бұл сұйық отын тұтынатын моторы, пайдалану бойынша тәжірибесі бар және екінші нарықта өтімді дәстүрлі, қолжетімді модельдер. Өкінішке қарай Қытай көліктерінің бір кемшілігі — тіпті Zeekr сияқты сәнді бренд үшін бастапқы құнын тез жоғалтуы. Біздегі көлік иелері үшін бұл маңызды.
Былтыр ең танымал он марканың алтауы Қытай өнімі екенін атап өтпеуге болмайды. Бұлай ешқашан болмаған! 2022 жылы төртеу болатын — Chery, JAC, Exeed және Haval. 2021 жылы тек біреу — JAC. Ал Қазақстанда ұзақ жылдар бойы жұмыс істеп жатқан брендтердің өкілдері уайымдап қалған сияқты, өйткені бұл қарқынмен алдағы екі жылда қалған төрт орынды да Қытай брендтері алуы мүмкін.
жыл қорытындысы бойынша 2023 жылғы нарықтағы үздік 10 марка
| Орын | Марка | 2023 жылғы сауда |
| 1 | Chery | 12 229 |
| 2 | Haval | 7558 |
| 3 | JAC | 7514 |
| 4 | Changan | 6087 |
| 5 | Jetour | 3930 |
| 6 | Exeed | 3884 |
| 7 | Geely | 3643 |
| 8 | Omoda | 1385 |
| 9 | Tank | 1015 |
| 10 | GWM | 254 |
Комментариев: 0